E lèsnan lo tuma lugá kada bula siman riba djasabra mainta di 9or pa 12or.
Anunsio
Lanta lidernan íntegro
>>
Universidat di Desierto a nasé for di e kurason di pashon di pastornan Raimy i Arlette Juliet pa pasa nan konosementu, komprondementu i sabiduria ku Dios a duna nan ofer pa e hóbennan ku tin e pashon pa sirbi Kristu.

Awor dikon e nòmber Universidat di Desierto?

Desierto ta un lugá seku, bandoná, kaminda no tin nada ta kresé. E ta un lugá ku bo tin ku lucha pa sobrebibí. Desierto ta papia di momentonan masha difísil den kua realmente bo mester depositá bo konfia den Dios. Den desierto bo ta siña surpasá tentashon, opstákulo i para firme den e konvikshon di bo fe.

Ora bo a kaba di pasa den desierto, bo ta riku na eksperensia i mas ainda si e Spiritu di Dios a guia bo ei, bo ta desaroyá e sabiduria di Dios ku kua bo por siña hende e realidatnan di bida.
Pesei Universidat di Desierto tin un kombinashon di teoria di e palabra di Dios i eksperensia avansá den e kaminata ku Kristu, guiá pa e Spiritu Santu. Nos a mira hopi hóben ku a sigui e modelo aki krese i bira tremendo sirbidónan den e Reino di Dios.
Meskos ku Hesus a pasa den desierto komo preparashon pa Su ministerio, asina Universidat di Desierto ke prepará nos hóbennan tambe pa nan ministerio. Universidat di Desierto ta interaktivo i ta duna espasio pa e hóben por ekspresá su mes.
Informashon General
Na luna di ougùstùs e aña eskolar nobo ta kuminsá i lo finalisá den luna di yüni.

Kada aña eskolar ta kontené 24 lès kual ta partí den un parti teorétiko i un parti práktiko.
E durashon di Desert University lo ta 2 aña.
Desert University
Pastornan Raimy i Arlette Juliet
Banda di lèsnan kaminda ta bin i risibí siñansa, lo tin dianan kaminda e studiantenan lo hasi aktividatnan mas práktiko manera subi seru, dia di trabou, dia di evangelisashon i biahe mishonero.
Then Jesus came to them and said, “All authority in heaven and on earth has been given to me. Therefore go and make disciples of all nations, baptizing them in the name of the Father and of the Son and of the Holy Spirit, and teaching them to obey everything I have commanded you. And surely I am with you always, to the very end of the age.” ......... Mat. 28:18-20
Desaroyo ministerial

Komo ku Desert University tin komo vishon pa kultivá hóbennan dinámiko ku por tuma e batuta ofer, nos lo yuda e studiantenan pa asina nan desaroyá den e ministerio ku nan ta aktivo den dje. Si e studiante no ta aktivo den ningun ministerio su lider lo asign’é na un ministerio
Ekipá i edifiká nos hóbennan
Kultivá hóbennan dinámiko ku por tuma e batuta ofer
Motiva hóbennan den nan yamada
Relato di luna
On hearing it, many of his disciples said, “This is a hard teaching. Who can accept it?”
John 6:60
Nos a desaroyá un programa ku nos tin sigur ku lo yuda hopi hende, spesialmente nos hóbennan pa komprondé nan yamada i kana digno den esaki.
>>
>>
>>
>>